Y Cyfarfod Llawn

Dyddiad y cyfarfod: Dydd Mercher, 15 Gorffennaf 2015
Amser y cyfarfod: 13.30

Agenda

(281)v3

<AI1>

1 Cwestiynau i'r Gweinidog Cyfoeth Naturiol (45 munud)

Bydd y Llywydd yn galw ar Lefarwyr y Pleidiau i ofyn cwestiynau heb rybudd i'r Gweinidog ar ôl cwestiwn 2.

Gweld y Cwestiynau

</AI1>

<AI2>

2 Cwestiynau i'r Gweinidog Addysg a Sgiliau (45 munud)

Bydd y Llywydd yn galw ar Lefarwyr y Pleidiau i ofyn cwestiynau heb rybudd i'r Gweinidog ar ôl cwestiwn 2.

Gweld y Cwestiynau

</AI2>

<AI3>

Cwestiwn Brys 1

Andrew RT Davies (Canol De Cymru): A wnaiff y Gweinidog ddatganiad am gyhoeddi adroddiad yr Archwilydd Cyffredinol am Gronfa Buddsoddi Cymru mewn Adfywio?

</AI3>

<AI4>

Cwestiwn Brys 2

Darren Millar (Gorllewin Clwyd): A wnaiff y Gweinidog ddatganiad am y pryderon newydd a godwyd gan berthnasau cleifion Tawel Fan ynghylch cyfathrebu gwael a diffyg cynydd o ran ymcwhiliadau’r bwrdd iechyd hyd yma?

</AI4>

<AI5>

3 Dadl ar yr Adroddiad Cydymffurfio Blynyddol ar Gynllun Ieithoedd Swyddogol Comisiwn y Cynulliad (60 munud)

NDM5818 Rosemary Butler (Gorllewin Casnewydd)

Cynnig bod Cynulliad Cenedlaethol Cymru, yn unol â pharagraff 8(8) o Atodlen 2 o Ddeddf Llywodraeth Cymru 2006:

Yn nodi’r Adroddiad Cydymffurfio Blynyddol ar Gynllun Ieithoedd Swyddogol y Comisiwn y Cynulliad, a osodwyd gerbron Cynulliad Cenedlaethol Cymru ar 8 Gorffennaf 2015.

</AI5>

<AI6>

4 Dadl gan Aelodau Unigol o dan Reol Sefydlog 11.21(iv) (60 munud)

NDM5789

Aled Roberts (Gogledd Cymru)

Suzy Davies (Gorllewin De Cymru)

Bethan Jenkins (Gorllewin De Cymru)

Cynnig bod Cynulliad Cenedlaethol Cymru:

1. Yn cydnabod pwysigrwydd hyfforddiant cymorth cyntaf arbenigol ar gyfer staff meithrin, fel bod ganddynt y sgiliau a'r hyfforddiant i ymateb yn gyflym ac yn briodol os bydd argyfwng.

2. Yn galw ar Lywodraeth Cymru i ehangu'r ddarpariaeth o hyfforddiant cymorth cyntaf pediatrig i staff meithrinfeydd ac asesu opsiynau ar gyfer ei gwneud yn ofynnol bod yr holl staff sy'n gweithio mewn meithrinfeydd yn cwblhau cwrs cymorth cyntaf pediatrig a gydnabyddir yn swyddogol.

Cefnogir gan:

Eluned Parrott (Canol De Cymru)

</AI6>

<AI7>

5 Dadl Plaid Cymru (60 munud)

NDM5817 Elin Jones (Ceredigion)

Cynnig bod Cynulliad Cenedlaethol Cymru:

1. Yn nodi'r anawsterau difrifol sy'n wynebu'r sectorau cig coch a llaeth yng Nghymru.

2. Yn gresynu at y dirywiad ym mhris wrth gât y fferm llaeth a chig oen.

3. Yn gresynu at fethiant Llywodraeth y DU i ddiwygio'r ardoll cig coch.

4. Yn galw ar Lywodraeth Cymru i:

a) defnyddio'r Rhaglen Datblygu Gwledig i ddarparu cefnogaeth ar unwaith i'r sectorau a'r busnesau yr effeithir arnynt fwyaf;

b) amddiffyn ffermwyr Cymru rhag anwadalrwydd y marchnadoedd byd-eang drwy gryfhau cadwyni cyflenwi domestig;

c) gwneud sylwadau brys i Lywodraeth y DU gyda'r bwriad o gyflwyno system ddosbarthu ardoll cig coch decach; a

d) gweithio tuag at gynnal blwyddyn cenedlaethol bwyd a diod Cymru fel canolbwynt ar gyfer hyrwyddo cynnyrch Cymreig ar lefel ddomestig a rhyngwladol.

Cyflwynwyd y gwelliannau a ganlyn:

Gwelliant 1 – Paul Davies (Preseli Sir Benfro)

Dileu pwynt 3 a rhoi yn ei le:

Yn galw ar Lywodraeth Cymru i weithio gyda Llywodraeth y DU i ddiwygio'r ardoll hybu cig.

[os derbynnir gwelliant 1, bydd gwelliant 2 yn cael ei ddad-ddethol]

Gwelliant 2 – Aled Roberts (Gogledd Cymru)

Dileu pwynt 3 a rhoi yn ei le:

Yn cydnabod yr angen brys i ddiwygio'r ardoll cig coch ac yn croesawu'r gwaith gan Fforwm y Diwydiant Cig Coch i ddatblygu cynigion ar gyfer ailddosbarthu ardoll hon.

Gwelliant 3 – Aled Roberts (Gogledd Cymru)

Cynnwys ar ddechrau isbwynt 4(c):

'rhoi'r wybodaeth ddiweddaraf am waith Fforwm y Diwydiant Cig Coch a'

Gwelliant 4 – Aled Roberts (Gogledd Cymru)

Cynnwys isbwynt newydd ar ddiwedd pwynt 4:

'Yn sefydlu gwobrau bwyd a diod newydd i Gymru i ddarparu meincnod cydnabyddedig o ragoriaeth o ran ansawdd i gynhyrchwyr a helpu i godi proffil bwyd a diod o Gymru yn y DU a thramor.'

Gwelliant 5 – Paul Davies (Preseli Sir Benfro)